അദ്ദിക്ർ

3: 18; 4: 163; 7: 101 സൂക്തങ്ങളില്‍ വിവരിച്ച പ്രകാരം അദ്ദിക്ര്‍ മാത്രമാണ് സ്വര്‍ഗത്തില്‍ നിന്ന് 313 പ്രവാചകന്മാരിലൂടെ ഭൂമിയിലേക്ക് അവതരിപ്പിച്ചിട്ടുള്ള ഏകഗ്രന്ഥം. എ ല്ലാ ഓരോ പ്രവാചകന്മാരുടെയും ജനതയില്‍ നിന്നുള്ള കപടവിശ്വാസികളും കുഫ്ഫാറുകളും നാഥന്‍റെ സന്ദേശത്തെയും പ്രവാചകനെയും തള്ളിപ്പറയുന്നവരായിരുന്നു. 6: 47, 133 സൂക്തങ്ങളില്‍ വിവരിച്ച പ്രകാരം ജനങ്ങളെല്ലാം അദ്ദിക്റിനെ തള്ളിപ്പറഞ്ഞ് തെമ്മാടികളും അക്രമികളുമായപ്പോള്‍ നിഷ്പക്ഷവാനായ നാഥന്‍ അവരെ നശിപ്പിക്കുകയും പ്ര വാചകനെയും കൂടെയുള്ള വിശ്വാസികളെയും രക്ഷപ്പെടുത്തുകയുമാണ് ഉണ്ടായത്. 4: 118 ല്‍ വിവരിച്ച പ്രകാരം ഓരോ പ്രവാചകന്‍റെയും ജനതയില്‍ നിന്നുള്ള എല്ലാ ഓരോ ആയിരത്തിലും 999 ഉം നരകക്കുണ്ഠത്തിലേക്ക് പോകുന്നതും അദ്ദിക്റിനെ സത്യപ്പെടു ത്തി ജീവിക്കുന്ന ആയിരത്തില്‍ ഒന്നായ വിശ്വാസി സ്വര്‍ഗത്തിലേക്ക് തന്നെ തിരിച്ചുപോകുന്നതുമാണ്. 3: 7 ല്‍ വിവരിച്ച പ്രകാരം പവാചകന്‍റെ വിയോഗത്തിന് 30 വര്‍ഷങ്ങള്‍ക്കുശേഷം ഗ്രന്ഥം വായിക്കുന്നവര്‍ 3 വിഭാഗങ്ങളാണ്. ഇവരില്‍ ഫാജിറുകളും കാഫിറുകളുമടങ്ങിയ ഫുജ്ജാറുകളുടെ പട്ടിക സിജ്ജീനിലാണെന്ന് 2: 105; 3: 7-10 സൂക്തങ്ങളില്‍ വി വരിച്ചിട്ടുണ്ട്. 2: 49; 4: 53; 5: 52 സൂക്തങ്ങളില്‍ വിവരിച്ച പ്രകാരം ആത്മാവില്ലാത്ത, അദ്ദി ക്റിനെ വിസ്മരിച്ച കെട്ടജനതയായിത്തീര്‍ന്ന ഇക്കൂട്ടര്‍ 29 കള്ളവാദികളെ പിന്‍പറ്റുന്നവരും മുപ്പതാമത്തെ കള്ളവാദിയായ അന്തിക്രിസ്തുവിനെ ആനയിക്കുന്നവരുമാണ്. ഈസാ രണ്ടാമതുവന്നാല്‍ അന്തിക്രിസ്തുവിനെ വധിക്കുന്നതും അന്ന് ഇസ്ലാം അംഗീകരിക്കു ന്ന, പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങള്‍ 2: 171; 8: 22 സൂക്തങ്ങളി ല്‍ പറഞ്ഞ ദുഷ്ടജീവികളെ വധിക്കുന്നതുമാണ്. 2: 62, 121; 7: 146-147; 8: 49-56 വിശദീകരണം നോക്കുക.